［尋人！］
呢個世界真係有奇蹟
話說其實我應該係前晚跌咗部電話係的士，朝早起身搵嚟搵去都搵唔到，仲以為自己擺咗去邊，醒起可以上網find my phone，然後又可以上WhatsApp Web。即刻叫個朋友打俾自己，結果佢話有個男人聽，男人話佢幫我keep住咗部電話，叫我聯絡佢搵返佢拎返部電話。我問佢係咪個司機？佢話佢係乘客，佢話佢以前都試過唔見電話，所以幫我keep住等我打比佢，點知一直都等唔到。問佢約邊個地鐵站等，佢話佢唔搭地鐵，我就知道佢一定係一個好人！我仲要遲到，喺途中問人借電話，以為好難，點知個個都好順攤🙏🏻
搭車途中我有好多幻想，幻想佢係個咩人，會係咩樣，我哋會唔會因為咁做咗朋友？會唔會發展落去？😂 又喺度諗我係咪要比返啲薄酬佢，但係我發現我通常係用電話俾錢，成個銀包得140蚊佢會唔會覺得我串緊佢？會唔會覺得我遲到個人咁樣都係不如走咗去？
於是我一出閘就飛快地去撳機，等咗一陣都唔見佢，佢係咪想睇吓我係個咩人先出現呢？原來佢連地鐵站嘅範圍都唔入。
最後，原來佢一個女仔⋯ 男性化啲嘅女仔
我諗住俾返少少薄酬佢，佢話唔使啦頭也不回地就走咗去，結果，我連個樣都未睇清楚佢個名都未知道，手握薄酬，望住佢就咁走咗。
經過今次，我更加確定做人應該要做啱嘅事。所以我決定將佢嘅薄酬捐左去多謝佢❤️
黑色衫迷彩遮既你
如果你有機會見到
多謝你🙌🏻
Search